«Ուժեղ Հայաստան» խմբակցության ղեկավար Նարեկ Կարապետյանը Քննչական կոմիտեի դիմաց լրագրողների հետ զրույցում հայտնեց առաջիկա ժամերին սպասվող կարևոր քայլերի մասին՝ այլ մանրամասներ չնշելով։ «Կարևոր բան պիտի լիներ, մի քանի ժամ սպասեք»,- ասաց ընդդիմադիր պատգամավորը։ Խոսելով իշխանություններից սպասվող գործողությունների մասին՝ «Ուժեղ Հայաստան» խմբակցության ղեկավարը պնդեց, որ վարչապետ Նիկոլ Փաշինյանի բոլոր քաղաքական քայլերի հետևում ընկած է մեկ հիմնական նպատակ՝ ճնշում գործադրել հայաստանյան քաղաքական գործիչների վրա՝ «Ադրբեջանի նախագահ Իլհամ Ալիևի պահանջած սահմանադրությունն ընդունելու համար»։ Անդրադառնալով Քննչական կոմիտեի տարածած հաղորդագրությանը և ֆինանսական չարաշահումների վերաբերյալ մեղադրանքներին՝ Նարեկ Կարապետյանը նշեց, որ անհնար է չարաշահում կամ հափշտակություն կատարել սեփական 100% բաժնեմասով ընկերությունում, քանի որ դա հավասարազոր է սեփական միջոցները մեկ գրպանից մյուսը տեղափոխելուն։ Նա նաև տեղեկացրեց, որ 100-ից ավելի եվրոպացի պատգամավորներին պատրաստվում են ստեղծված իրավիճակի վերաբերյալ պաշտոնական դիմում-նամակ ներկայացնել։ Մանրամասները՝ տեսանյութում։ ՀԱՊԿ-ը կարող է Հայաստանին զրկել ձայնի իրավունքից, բայց հեռացնելու հարց չի քննարկվում․ ՀԱՊԿ գլխավոր քարտուղար 65 հասցեներում միաժամանակյա խուզարկություններ են. ՔԿ-ն՝ Կարապետյանների հետ կապված գործողությունների մասին Ասել է` մոլորվել է, կնոջը սպանելու դիտավորություն չի ունեցել. ՔԿ նախագահը` Շաքիի դեպքի մասին․ ՏԵՍԱՆՅՈՒԹ