Վաղ առավոտից խուզարկություններ են իրականացվում գործարար Սամվել Կարապետյանի և նրա եղբորորդու՝ Ազգային ժողովի պատգամավոր Նարեկ Կարապետյանի բնակարաններում։ Խուզարկություններ են տեղի ունենում նաև Կարապետյան ընտանիքի հետ կապվող այլ հասցեներում։ Խուզարկությունների մասին վաղ առավոտյան հայտնել է «Ուժեղ Հայաստան» կուսակցության խոսնակ Աղավնի Սուքիասյանը։ Քննչական կոմիտեից հայտնում են, որ տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթի շրջանակում միաժամանակյա խուզարկություններ են իրականացվում 65 հասցեում։ Քննչական կոմիտեից չեն հայտնում, թե որ օբյեկտներում է կատարվում խուզարկությունները։